Ways of Life

Lil̓git

Ḵ̱’ap lip aguhl jabihl Nisg̱a’a ii ḵ’ap lil̓git diit. Lil̓git n̓idiit jidaa dimt hit’indiithl pts’aan, ii jidaa dimt hit’indiithl sii wilp. Ii jidaa dimt gin̓amdiithl w̓iit’isim wa ahl ligit naa, g̱an jidaa gwin ga’atkwshl pdeeḵ wil w̓itkwhl gat g̱anhl naa dimt an dax̱yugwihl ang̱o’oskw.

K’il̓hl wilt ii ksax lip g̱alts’apdiithl w̓o’otgwit oo ligii m̓isḵ’a n̓ihl ḵ’alii- Lisims g̱anhl lip naahl n̓aam huksgwit iit anooḵdiit. Ligii Gitksan oo ligii Ts’imsan ligii ḵ’amksiiwaa.

Nidii ksax̱ tx̱oox̱kwhl gat, m̓isḵ’a n̓ihl simgigathl al’algax̱at, ii lip naahl al’algax̱at. Wilk’ii sit’aama’ahl limx g̱anhl yats-anuhl ii miilugum halayt.