Cliquer emblèmes de totem pour l'histoire de totem.
Crane Pole Figure 1 Figure 2 and 3 Figure 4 and 5 Figure 6 and 7 Figure 8
Pole of Luuya’as Figure 1
Pole of Luuya’as Figure 2
Pole of Luuya’as Figure 3
Pole of Luuya’as Figure 4
Pole of Luuya’as Figure 5
Fig6
Fig7
Fig8
Fig9
Fig10

G̱anii diyeet w’itkw ahl hlig̱ooḵt

K’a-w’iila’ihl G̱alts’ap Gitwinksihlkw gi- k’uhl. Gip’pil wil t’apmihlt. Ksgalanim wil t’ap mihlt, wil k’ii jaga lukw diit ahl Hlaxwhl’yansh, ganhl Gwinaha, aanu galax̱dilihl Galts’ap. Hla jijok sim’oogit ahl Gwin’aaha, n’i wilt japt diit pts’aan wat ahl Spa Smax. Nihl Sim’oogit Wii Seeks Gitspuudwada an gahlkwt, Giskaast nit. Hilmoomin Sim’oogit Niislisyan, Lax̱ Gibuu n’it. Ganhl k’yoohl wila’askws Wii Seeks, N’iikwax̱hast wat, Giskaast nit. Gitwinksihlkw wil sa bakhl simgigat dip tgun. Gwin’aaha wil hitkwhl pts’an tgun. T’ap x̱o’olt t’im ḵayx duhux ḵayx gan’agwihl pts’aanim spasmax tgun.

1929 wilt woot dit. N’ii wilt Giikwihl Museum of the American Indian ahl New York. N’i wilt gwilks giikwihl Canadian Museum, ii N’ii wil hitkwit sat tgun ahl Canadian Museum of Civilization ahl Ottawa.

Hli adawaag̱ahl adoḵs

1. X̱sgaak
(saa-kw’ootkwhl tḵ’al-n̓ii-huksgwit ahl pts’aan tgun g̱ooḵhl dimt giikwhl British Museum)

2. Gibilx̱
3. X̱sgaak

4. Ts’imilx
(N̓ii-t’aahl hlguuhlkwhl ts’imilx lax̱- hak’yo’os Nox̱t)

Sa hlo’o gat g̱anhl naks dim siilin̓iskw diit. G̱o’odiit wil t’aahl t’ax̱ wayt gigeenix n̓i wil joḵdiit. Iit jap diit wilbag̱an, n̓i wil lu wan diit. Gwiix siilin̓iskwhl naks hanaḵ’, adigwil daaw̓ihl siilinhl nag̱ats’ee ganhl hlig̱a ts’uuhl yat’iskw. Tx̱aa n̓iks w̓itkwt wil k’ii lu dabihl aax̱kw t’aat ts’o’odihl jak’wiskw dibagwit. Kii’ihl wilt ii ligi gilp’il oo ligi gwilal̓hl sa k’wootkw nakst. Ii w̓agatkwt nakst ahl g̱a n̓agwihl k’ootkwt, aḵhl ligi k’uhl didalg̱at ii akhl ax̱mawit.

N̓iwil y̓eg̱a yeet lax̱ ts’eehl t’ax̱, Wil k’ii sitaama’am hadiks tsim t’ax̱. Sim n̓iwil g̱alaanhl naks wil k’ii tsim t’ax̱ g̱o’ot. Adigwil lu joḵt ahl ts’im t’ax̱ tx̱aa niks sa,

Hla k’ii’ihl huxw w̓itkwhl naks ahl wil siilin̓iskwt ii nidiit w̓at. Lap nndahl gigil̓it awa’ahl wilp diit ii nidiit w̓at. N̓iwil y̓ag̱a yeet lax̱ ts’eehl t’ax̱ gigiil̓ihl naks, n̓iwilt w̓ahl hla wil gwiis ts’imilx naks ts’im t’ax̱.

Aam wilt da’aḵhlkwt didalḵ ts’imilx tgus naks. Niwilt mahlihl g̱as g̱oohl w̓agatkwt g̱a n̓agwihl k’uhl k’ayoolt, iit sit’aama’am hadiks, ii g̱ani lu wilt ahl ts’im aks. N̓iwil hla ḵ’ap sigwiis ts’imilxt, nidit da’ḵhlkw dim huxw luyaltkwt ahl saḵ’ab dihl gat.

N̓ag̱an wilhl nimdii ga’ahl gadim ts’imilx, m̓ax haanaḵ’am ts’milx.

5. Gadim ts’im-aks
Yukwhl lukwhl Lax̱sgiik sim gik’uuhl bakw diit ahl wayt anu g̱a gigeenihl wil joḵhl Didoo. Wayt gisa geets dim g̱o’odiit awahl ḵ’ali aksim Lisims. Yukwhl n̓ii wildiit lax̱ aks, iit n̓ii w̓adiit wil liks gigat luwilim ts̱im aks. Hla adawaag̱ahl gadim ts’im aks. Ga’adiit tgus galaanhl hliskwt guuhl nax̱nog̱am tx̱uux Gunas.

Da’akhl diit gidiguut diit tx̱uux iit ḵ’uts diit dim wila da’akhlkw diit hli smaxs Gunas. Hliskwt simihl diit hli lulaḵs Gunas. Wil k’ii gisa waax diit, g̱ooḵhl dimt w̓adit awahl Cape Fox, n̓i wilt ga’adit wil gabinhl w̓ii hagwil̓ooḵan ts’im aks. Hugayx̱at gat sim nn̓iil̓ukwhl g̱ist, hugax̱at wil hiitkwhl agu. Leex̱ dax̱ doog̱at hoon ganhl luwilim ts’im aks, yukwt giipt.

N̓iwil ayawaatkwhl t’imlaanit! Waaxsim̓ nidi aam jit guudim̓ w̓ii hagwil̓ooḵ tgus. Galaanhl sat tgus ii ayuks diit ahl hagwil̓ooḵam ts’im aks.

Content for id "nisgaatext6" Goes Here
Content for id "nisgaatext7" Goes Here
Content for id "nisgaatext8" Goes Here
Content for id "nisgaatext9" Goes Here
Content for id "nisgaatext10" Goes Here

continued from main page

The Bears’ Den totem pole was erected at Gwin’aaha around the year 1900 and carved by Chief Wii Seeks (“Huge Sparkling Star”) of the Killer Whale tribe along with his helper, Chief Niislisyan of the Wolf tribe (owner and master of personal slave by the name of Y’an, “Leonard Douglas”) and N’iikwaxhast (“Fire weed all around”) of the Killer Whale tribe of Wii Seeks house. These carvers were originally from Gitwinksihlkw.

The Bears’ Den pole was purchased in 1929 by the Museum of the American Indian in New York. The National Museum of Canada purchased it from the MAI in 1977 and it now stands in the Canadian Museum of Civilization in Ottawa.

Histoires des emblèmes :

1. Aigle
(sculpture détachée – elle a disparu avant que le British Museum n’achète le totem)

2. Gibilx̱
3. Aigle
4. Castors
(mère avec un jeune castor sur son dos)

5. Homme en dessous

Content for id "engtext6" Goes Here
Content for id "engtext7" Goes Here
Content for id "engtext8" Goes Here
Content for id "engtext9" Goes Here
Content for id "engtext10" Goes Here