Ways of Life

Haseex̱

Hooyihl simgigathl haseex̱ jidaa miilugum halaytdiit. Nidii ksax̱ sidalt’imskwhl haseex̱. Hooxdiit wil dimt ksi-yaamaḵ diithl hli g̱andax̱gathl nax̱noḵ.

Ts’im-ayuug̱am̓ ii nidiit da’aḵhlwhl ligit naahl dimt hooxdiithl haseex̱hl halayt.

Hlaat japdiithl haseex̱, ii sakskwhl halayt g̱anhl sim’oogit ahl lax̱-sg̱an̓ist wil wilhl nax̱noḵ, oo wil ligii sgihl dax̱gadim haykw. Wilk’ii wanhl sim’oogit g̱anhl halayt ahl tx̱alpx̱hl sa wil wayt nax̱n̓adiithl sii limx ii sakwshl ts’eets’iks. Yukwhl sakwshl ts’eets’iks, iit sayt dox̱diithl k’uba lo’op, iit ts’ilim-t’ahldiit ts’im-haseex̱, iit tḵ’al-maḵdiithl hli dax̱gathl nax̱noḵ loot.

Ḵ̱’ooḵtshl hooksit wil gahlkwhl haseex̱.
Lip sim’oogit oo ligii halayt an lip gahlkwhl haseex̱. Oo ligii x̱hlg̱o’odiithl ligii k’yoolhl gihlee’et dimt an gahlkwt loodiit. Sim nidii hookskwhl haseex̱ ahl wil miilukwdii wil nidii kw’ihl sidalt’imskwhl haseex̱ ahl wil sgihl hli dax̱gat ahl dimt lip hooxhl halayt yukw dimt japdiithl g̱ag̱etgum hahlal̓s.

Rattle
Caption IMG2008-0666-0257-Dm.gif
Rattle
Caption IMG2008-0666-0287-Dm.gif
Rattle
Caption IMG2008-0666-0224-Dm.gif
Rattle
Caption IMG2008-0666-0241-Dm.gif
Rattle
Caption IMG2008-0666-0242-Dm.gif
Rattle
Caption IMG2008-0688-0031-Dm.gif