Ways of Life

Wil Lukwhl Gat Ahl Ḵ̱’alii-Lisims

Tx̱aa n̓itkwshl gat g̱anhl pdeeḵ ahl hli gadihl Nisg̱a’a, ii lip nda wil bakwdiit ii hagwin-lukwdiit ahl ḵ’alii-Lisims. G̱ag̱etkw wil nidii t’amtkwt ii ḵ’am aam wil sgihl amaa adaawaaḵ an mahlihl sim g̱ag̱etgum sa wil hagwin-lukwhl w̓ii hilda gat ii aguhl pdeeḵdiit.

Mahldihl adaawaḵhl tx̱aa n̓itkwshl g̱alksi- yox̱gwihl gathl hagwin-lugwit, iit huxwdii mahlihl g̱abiihl wilwilaay̓isgum̓hl haxhuksgwit loodiit. Ii n̓ii-wanhl g̱apdeeḵ diit lax̱-pts’aanhl Nisg̱a’a.

Nda-g̱at g̱an wihl hagwin-luxwlukwhl gat?

Sim gik’uuhl-gi ii bakwt an gigil̓hl dimt wil w̓adiithl wil aamhl dim wilaa w̓atkws- hl hoon g̱anhl siilin̓skw. Sim hlo’otdihl ḵ’alii-Lisims dip n̓idiit an sim luu-yox̱kwhl g̱anhaax̱kw dimt wilaa w̓adiithl Lisims. K’il̓hl wilt iit n̓ii-w̓adiit wil yukwhl w̓ildigitkwhl hlag̱ats’uuhl wil n̓aat’ahl.